請大大幫忙批一批我媽的八字

APE

原帖由 meng764 於 2008-6-29 12:00 AM 發表。
男怕入鍺行，錯了則難發．

請問大大,咁我重可唔可返轉頭?是否要地產才行?重有無另外既比較合適既選擇?


另外我又想知我有乜野行業唔入得?

meng764

用火之五行，不好．　

APE

原帖由 meng764 於 2008-6-29 12:34 AM 發表。
用火之五行，不好．　

但請問大大為何我會(個人的感覺及有一定既事實證據)覺得每當遇到壬水及申金總是充滿破敗,不順,小人,失望及頭腦不清醒的情況?不論是大運還是流年,遇見壬與申都係大鑊,申比起壬更慘,如果是壬申就超慘..........

APE

原帖由 APE 於 2008-6-29 12:43 AM 發表。



但請問大大為何我會(個人的感覺及有一定既事實證據)覺得每當遇到壬水及申金總是充滿破敗,不順,小人,失望及頭腦不清醒的情況?不論是大運還是流年,遇見壬與申都係大鑊,申比起壬更慘,如果是壬申就超慘..........

其實我唔係想推翻任何一位大大,只係我有點不明白,所以想問一問,而且我舉出的都是實據,此亦可以有助大大批命,讓大家也能夠有所互動咁解,請見諒.............

meng764

不順，原因很多，由小到大，人格如何形成，影響很大，走壬運，爭財格，若智慧高，以財謀福，可得益，明白嗎？

APE

原帖由 meng764 於 2008-6-29 11:49 PM 發表。
不順，原因很多，由小到大，人格如何形成，影響很大，走壬運，爭財格，若智慧高，以財謀福，可得益，明白嗎？

明白

難道我的智慧不夠.........?但"申"又如何?問題不只在我,係我身邊的外在環境都好唔掂,就好似人地做手術一次搞掂,而我就越做越衰,做極都唔掂,人地買件電器用好耐,而我買既就成日壞,總之好多野都變壞,樣樣野做出黎都係負面評語,好老實,呢個世界無永遠對的方法及永遠對的事,事件既評語永遠都有兩面,正面與負面,而我就永遠都係負面..........好得意既係,我有d朋友,行起運上黎,明明衰咗都最後變好,結果是好,就得到正面評價,外人懶理你平日係點,好奇怪........個天總係好似認命認運而唔係認你做緊乜同埋個心地好唔好,總之好運就做乜都正面,唔好運既就只能夠好搭實咁去默默捱,少少既冒險都即衰,立即負面..........個人的小小感覺,唔知岩唔岩,求大大指引


其實每次遇"申"不論係流年定係大運,肯定會有一深刻的大傷,如果係大運就更加係連環大傷,小人多貴人少,就更令我不敢相信任何人,包括家人,問題係我的傷要用多少時間來復原,除了自己的努力,亦要有外在的貴人及機會扶我一把,心靈才得以重生

[ 本帖最後由 APE 於 2008-6-30 12:28 AM 編輯 ]

meng764

你命中子水，為調侯用神，遇申運，子水被奪，當然出問題，明白嗎？　

APE

原帖由 meng764 於 2008-7-1 12:35 AM 發表。
你命中子水，為調侯用神，遇申運，子水被奪，當然出問題，明白嗎？　

係囉,只係計甲申年渣,年頭丁卯至戊辰月打工因同事偷公司野而累到全team人齊齊被炒,重要被罰無糧出,最終要搞到入警局再搵勞工處傾,打晒官司咁先至有返d糧,而之後一個月,02年年尾整咗既假牙忽然爛咗,搞到我講野由口齒靈利變成講野好辛苦,到壬申月因壓力太大而工作不順,最終與女友分手,年尾講野又唔成功.........唉,每次遇申都有一個大而深刻既黑暗期

而申運就更加唔駛講,大屋搬細屋,大房搬無房,返學小人多,無理地俾人恰,心情又唔開心,經常遇到黑社會,根本無辦法讀書,身體無端端帶暗病,買親既電器都好快壞,庚申運中既壬申年更加係衰到爆,同朋友行山,行行吓唔見咗班朋友,撞正一大班山狗,之後俾狼狗追,差d死呀,好彩我以人的本身救生意志狂爆走,走得甩,申運簡直係癡線架,如果無申運,我好肯定我至少係大學生一名..........

行申運及申年真係好似重差過行火地........所以有師父同我講話喜金水,如果講唔出壬與申既問題,在於我黎講這些深刻的惡運都講唔出,我真係好難信.......

而講到壬水的情況,雖然無遇申咁慘,但個人的睇法,不管遇壬水有無根,壬子又好,壬戌也好,首先原本我條命係無壬水,內藏都無,本身無明顯訊號,而且,正如癸海大大的講法壬水來是羊刃逢沖,個人見解上,戊土看似沒有太好的方法來得到壬水,只係剋水,功太小,假如命中子水不宜動,壬水來都有可能令子水動,而己壬混我就唔太清楚點解喇.............

meng764

看來又真的不順，已過去了．不要多想，用自己正確思維，走出一條新路吧．

APE

原帖由 meng764 於 2008-7-1 10:39 PM 發表。
看來又真的不順，已過去了．不要多想，用自己正確思維，走出一條新路吧．

係非常非常非常的不順,其實我本身的性格也不是這樣的,我是比較開朗及樂觀的,自少已經係理想型,喜歡定下目標才進行,是沒有目標及理想就會死果種人,亦深明要混於一個團體裡面組織自己團隊的重要性,問題係當時究竟順唔順我囉,睇吓團體中小人的力量強唔強,如果強既話我通常都係反過來第一個被封殺的目標,如果有貴人,我就順利得多,而且速度快,其實我妹妹都話我自從"申"運之後我個人係陰沉晒,整個人似係完全唔開心,以前係閃亮的,申運係污濁而黑暗的,毫無神彩可言

其實大大,請問我的最惡之運是否已經過去,二三十年內除了注意一吓申年之外,是否不會再遇見惡運?

假如子水是我所希望得到的重要之物,是否我現在只要依著我心中所想的去進行便可?

dmdm2005

請問你的母親是不是有婦女病, 腎病, 或貧血?

APE

原帖由 dmdm2005 於 2008-7-1 11:04 PM 發表。
請問你的母親是不是有婦女病, 腎病, 或貧血?

有,一直她都不吃得有麵粉的食物,如果唔知就會有皮膚敏感

dmdm2005

2000年, 會因兄弟姐妹朋友 而破財, 父親的身體也較差.
2001年, 也會有同樣現象, 但情況較輕.

APE

原帖由 dmdm2005 於 2008-7-1 11:21 PM 發表。
2000年, 會因兄弟姐妹朋友 而破財, 父親的身體也較差.
2001年, 也會有同樣現象, 但情況較輕.

其實她一直只會因我爸的事而破大財,其他既都唔係乜野破財,好少人可以令佢特別破睇,而她的父親於她細細個既時候已經離開咗,唔知去咗邊,而她一直養起頭家,包括她的媽媽,至1989年止

dmdm2005

命主03年破財
04年工作壓力大, 財也賺得不多
05年也是工作壓力大, 財運較04年好
06年又破財, 因友破財? 腎病? 貧血?
07年情況似乎和06年差不多